Fikmin Bahasa Sunda

Usum Langlayangan

(Karya: Rifa Silvi aripanti)

            Basa usum halodo, réa jalma anu medar di sisi sawah unggal burit. Éta nu medar, lain saukur budak ngora, tapi ti mimiti budak leutik nepi karolotnagé maledar. Tiap langlayangan anu pegat tina kenurna pada maroro, aya nu ngebrus kana balong, ting sareseb kana sawah, aya ogé anu ngaberik nepi ka rél karéta api, da kaleresan kampung simkuring caket sareng rél karéta api.

          Dina burit anu énjingna, simkuring lalajo nu maledar di sawah caket bumi. Éta nu maledar téh beuki nambahan tina poé-poé anu saacanna. Dina pas langlayangan di adukeun, aya hiji kajadian, dimana aya sato anu ngapung hideung marengan éta langlayangan anu keur di adu. Atuh anu lalajo téh pada reuwaseun yén naon éta anu ngageleber téh. Katingalinamah éta sato téh nyangked kana kenur langlayangan anu keur di adu. Pas dut dipunutan, singhoréng étatéh kalong anu keur néangan pangeutreupan. Tungtungna kalong éta di urus ku nu munutan langlayangan nepi ka jagjag waringkas deui.